माकडाने पळवलेली बॅग परत घेण्याच्या प्रयत्नात शिक्षकाचा दरीत पडून मृत्यू
नागपूर वृत्तसंस्था
सहकाऱ्याच्या मदतीसाठी धावून जाणे नागपुरातील एका शिक्षकाच्या जीवावर बेतले आहे. मध्य प्रदेशातील प्रसिद्ध पर्यटनस्थळ पचमढी येथे सहलीसाठी गेलेल्या सोमलवार शाळेतील शिक्षक विजय नाईक (वय ४०) यांचा खोल दरीत पडून मृत्यू झाला. सनराईज पॉइंटवर एका महिला शिक्षिकेची बॅग माकडाने हिसकावून घेतली होती. ही बॅग परत मिळवण्यासाठी नाईक यांनी प्रयत्न केले. त्यात त्यांना यशही आले; मात्र बॅग परत मिळाल्यानंतर अचानक त्यांचा पाय घसरल्याने ते खोल दरीत कोसळले. काल शुक्रवारी सकाळी घडलेल्या या दुर्दैवी घटनेमुळे नागपुरातील शैक्षणिक वर्तुळात हळहळ व्यक्त होत आहे.
संपादक
