कार कालव्यात बुडून पती पत्नी सह वाचविण्यासाठी गेलेला बेपत्ता
छत्रपती संभाजीनगर/(औरंगाबाद)
जिल्ह्यातील पैठण तालुक्यातील चांगतपुरी गावाजवळ काल रात्री एक भीषण अपघात झाला. चालकाचा ताबा सुटल्याने कार थेट उजव्या कालव्यात कोसळली. या दुर्घटनेत कारमधील पती-पत्नीसह त्यांना वाचवण्यासाठी पाण्यात उतरलेला स्थानिक तरुण असे तिघेजण बेपत्ता झाले आहेत. या घटनेमुळे गावात खळबळ उडाली असून पोलिसांकडून शोधकार्य सुरू आहेत
कारमधील मुखीद शेख आणि निलोफर मुखीद शेख (रा. कोरडगाव, ता. शेवगाव) हे प्रवासी तर रावसाहेब खडेकर असं बचावकार्यासाठी पाण्यात उतरलेला स्थानिक बेपत्ता तरुणाचं नाव आहे. दरम्यान, या प्रकरणी स्थानिकांकडून मिळालेल्या माहितीनुसार, काल सोमवारी रात्री 11 ते 11:30च्या सुमारास अलताफ पठाण हे आपली स्विफ्ट कार एमएच 12 केजे 9032 घेऊन जात होते. कारमध्ये त्यांच्यासोबत मुखीद शेख आणि त्यांच्या पत्नी निलोफर मुखीद शेख हे प्रवास करत होते. चा़गपुरी कालव्याच्या पुलाजवळ चालकाला रस्त्याचा अंदाज न आल्याने कार थेट पाण्यात कोसळली.
कार कालव्यात पडताच चालक अलताफ पठाण यांनी प्रसंगावधान राखत कारबाहेर उडी मारली आणि ते सुखरूप बचावले. मात्र, कारमधील पती पत्नी गाडीसह कालव्यात बुडाले.ही घटना समजताच स्थानिक नागरिक मदतीसाठी धावले. यावेळी चांगतपुरी येथील रावसाहेब खडेकर हा तरुण या दाम्पत्याला वाचवण्यासाठी जीवाची पर्या न करता पाण्यात उतरला. दुर्दैवाने, पाण्याचा प्रवाह जोरात असल्याने रावसाहेब देखील पती-पत्नीसह बेपत्ता झाला आहे. घटनेनंतर सरपंच स्थानिकांनी प्रशासनाला माहिती दिली. रात्री उशिरा जेसीबीच्या साहाय्याने कार कालव्यातून बाहेर काढण्यात आली. मात्र, बेपत्ता झालेल्या तिघांचा शोध लागला नाही.पोलीस आणि स्थानिक नागरिक शोधकार्य राबवत आहेत
संपादक
