अंध भक्ती … लैंगिक शोषणफेम ज्योतिषी खरात सोबत सुनील तटकरे, दीपक केसरकरा़चे फोटो… रूपाली चाकणकरांचा लवकरच राजीनामा
मुंबई| वृत्तसंस्था
स्वयंघोषित ज्योतिषी अशोक खरात हा महिलांवरील अत्याचारामुळे चर्चेत आला असून बलात्काराच्या गंभीर आरोपाखील त्याला अटक करण्यात आली आहे. नाशिकच्या सिन्नरमधल्या अशोक खरात याला लैंगिक शोषण आणि छळाच्या आरोपाखाली अटक करण्यात आली आहे. त्याच्या घरातून शस्त्रे, काडतुसे जप्त करण्यात आली असून अनेक नेते, राजकारणी, सेलिब्रिटींशी विशेषतः राष्ट्रवादी काँग्रेसच्या नेत्यांशी असलेले संबंध समोर आले आहेत. राज्य महिला आयोगाच्या अध्यक्ष आणि राष्ट्रवादी काँग्रेस अजित पवार गटाच्या नेत्या रुपाली टाकणकर यांचे तर खरात यांच्याशी जवळचे संबंध , त्या त्यांच्या शिष्या आहेत. त्यांनी त्यांचे पाद्यपूजन करताना, त्यांच्या डोक्यावर छत्री धरतानाचे असे अनेक फोटो, तसचे व्हिडीओ यापूर्वी समोर आले होते.
पण एवढंच नव्हे तर इतरही अनेक राजकारणी नेत्यांचे खरात यांच्याशी संबंध असून एकनाथ शिंदे, दीपक केसरकर यांच्यासोबतचे फोटोही उघड झाले. मात्र याच प्रकरणात आता आणखी एक धक्कादायक माहिती समोर आली आहे. राष्ट्रवादी काँग्रेस अजित पवार गटाचे प्रदेशाध्यक्ष सुनिल तटकरे यांचेही अशोक खरात यांच्यासोबतचे फोटो समोर आलेत.
संपादक
