मुंबईतील मालाड येथील आक्सा चौपाटीवर चार मुलांना बुडताना वाचविले
मुंबई/ संदीप मुळीक
मुंबईतील मालाड येथील आक्सा चौपाटीवर आज सकाळी एका मोठ्या दुर्घटनेची टाळता आली. सकाळी साडेसहा वाजता चार मुले चौपाटीवर फुटबॉल खेळण्यासाठी आली होती. खेळ संपल्यानंतर ही मुले समुद्रात पोहण्यासाठी उतरली, मात्र ओहोटीचा काळ असल्याने त्यांना पाण्याचा अंदाज आला नाही आणि ती बुडू लागली. सकाळी ८:०५ च्या सुमारास ‘दृष्टी लाईफ सेविंग’च्या जीवरक्षकांच्या ही बाब निदर्शनास आली. त्यांनी तातडीने मदतीसाठी धाव घेतली. यावेळी जवळच मासेमारी करणाऱ्या ‘साई राम’ बोटीवरील मच्छिमारांनीही आपले काम सोडून मदतीसाठी बोट पुढे आणली. जीवरक्षक आणि मासेमारी बोटीच्या संयुक्त प्रयत्नांमुळे चारही मुलांना सुखरूप बाहेर काढण्यात आले. नथुराम सूर्यवंशी, भावेश तांडेल, मन वैती, प्रीतम म्हात्रे आणि हार्दिक म्हात्रे या जीवरक्षकांनी दाखवलेल्या प्रसंगावधानाचे सर्वत्र कौतुक होत आहे.
संपादक
