फळविक्रीच्या स्पर्धेतून दुहेरी हत्याकांड; नागपुरात दोन तरुणांची निर्घृण हत्या
नागपूर/
ग्राहकांना आकर्षित करण्यासाठी कमी दरात फळे विकण्यावरून सुरू झालेला वाद थेट दुहेरी हत्याकांडात परिवर्तित झाल्याची धक्कादायक घटना बुधवारी रात्री सक्करदरा पोलिस ठाण्याच्या हद्दीतील छोटा ताजबाग परिसरात घडली. या घटनेत दोन तरुणांचा मृत्यू झाला असून पोलिसांनी पहाटेपर्यंत कारवाई करत तिघा संशयितांना ताब्यात घेतले आहे. आदित्य उर्फ सोनू भोंडवे (वय २५, रा. सोमवारी क्वार्टर) आणि आदित्य राहुलकर (रा. बजरंगनगर, मानेवाडा रोड) अशी मृतकांची नावे आहे. हे दोघेही छोटा ताजबाग ते सक्करदरा मार्गावर फळविक्रीचा व्यवसाय करत होते. तर डोंगरे, डबीर, अभी राऊत आणि ऋषी पुट्टेवार असे आरोपींची नावे आहेत. मृतक आणि आरोपी हे दोन्ही गुन्हेगारी प्रवृत्तीचे असून त्यांच्याविरुद्ध विविध गंभीर गुन्ह्यांची नोंद आहे.
संपादक
