महाडचे ग्राम दैवत श्री वीरेश्वर महाराजांच्या छबिना उत्सवाची आज मध्यरात्री सांगता
रायगड/
महाडचे ग्राम दैवत श्री वीरेश्वर महाराजांच्या छबिना उत्सवाची आज मध्यरात्री सांगता होणार आहे. महाशिवरात्री पासून या उत्सवाला प्रारंभ झाला आहे. मंदिरात धार्मिक विधी, देवी देवतांच्या पालखींच आगमन सुरू आहे. आज संध्याकाळी महाड तालुक्यातील विवीध देवी देवतांच्या पालख्या वीरेश्वर मंदिरात येतील. यासोबत लाखोंचा भक्त समुदाय देखील महाड शहरात दाखल होणार आहे. या निमित्ताने मिठाई, प्रसादची दुकान, खेळणी, शोभिवंत वस्तुंची दुकान आणि उंचउंच आकाश पाळणे देखील महाडमध्ये दाखल झाले आहेत. यामुळे महाड शहराला जत्रेचे स्वरूप प्राप्त झाले आहे. रायगड जिल्ह्यातील सर्वात मोठा जत्रोत्सव म्हणून महाडच्या छबिना उत्सवाची ओळख आहे.
संपादक
