आमदार निलेश राणेंच्या वाढदिवसानिमित्त संजू परब मित्रमंडळाकडून नाट्य महोत्सवाचे आयोजन…
सिंधुदुर्ग राजू तावडे
शिवसेनेचे आमदार निलेश राणे यांच्या वाढदिवस १७ मार्च रोजी असून त्यानिमित्त संजू परब मित्रमंडळाकडून तीन दिवस ट्रिकसीनयुक्त नाट्य महोत्सवाचे आयोजन करण्यात आले आहे. १५ मार्च रोजी सायंकाळी ७ वा. सावंतवाडी येथील जनरल जगन्नाथराव भोसले शिवउद्यान येथे आमदार निलेश राणे यांच्या उपस्थितीत या नाट्य महोत्सवाचा शुभारंभ होणार असल्याची माहिती शिवसेना जिल्हाप्रमुख संजू परब यांनी दिली. सावंतवाडी येथे आयोजित पत्रकार परिषदेत ते आज बुधवारी बोलत होते.
श्री. परब म्हणाले, १५ ते १७ मार्च रोजी सायंकाळी ७ वा. भर्तरी पिंगळा, व्यंकट रमणा जय गोविंदा, जिव्हेश्वर आदी ट्रिकसीनयुक्त दशावतारी नाट्यप्रयोग सादर केले जाणार आहेत. तसेच वाढदिवसाचे औचित्य साधून फळ वाटप, धान्य वाटप, गरजूंना मदत तसेच माजी नगरसेवक गुरू मठकर यांच्या माध्यमातून सायकल वाटप आदी सामाजिक, सांस्कृतिक उपक्रम राबविण्यात येणार आहेत. तिन दिवस सावंतवाडीत होणाऱ्या नाट्य महोत्सवाचा लाभ रसिकांनी घ्यावा असे आवाहन श्री. परब यांनी केले.
याप्रसंगी शिवसेना नेते अशोक दळवी, प्रेमानंद देसाई, सुधा कवठणकर, झेवियर फर्नांडिस, क्लेटस फर्नांडिस, राकेश पवार आदी उपस्थित होते.
संपादक
