भाजपा प्रदेशाध्यक्ष रविंद्र चव्हाण यांच्याकडून सामाजिक बांधिलकीला एक लाखाची देणगी
सिंधुदुर्ग/ राजू तावडे
भारतीय जनता पार्टीचे प्रदेशाध्यक्ष रविंद्र चव्हाण यांच्याकडून सामाजिक बांधिलकी प्रतिष्ठानच्या सेवाभावी कार्याला एक लाख रुपयाची मदत केली आहे. सावंतवाडी शहरातील सामाजिक बांधिलकी प्रतिष्ठान एक निस्वार्थी सेवाभावी कार्याची ओळख बनली आहे. ज्याची दखल प्रतिष्ठित व्यक्ती तसेच वरिष्ठ नेत्यांकडून सुद्धा घेतली जात आहे.
भारतीय जनता पार्टीचे प्रदेशाध्यक्ष रविंद्र चव्हाण यांनी सामाजिक बांधिलकी प्रतिष्ठानला विनोद राऊळ यांच्यामार्फत सामाजिक बांधिलकी प्रतिष्ठानच्या रुग्णवाहिकेसाठी एक लाख रुपयांची देणगी दिली. संस्थेचे अध्यक्ष प्रा.सतीश बागवे व उपाध्यक्ष प्रा. शैलेश नाईक यांच्या जवळ ही देणगी विनोद राऊत यांनी सुपूर्त केली. याप्रसंगी जेष्ठ सामाजिक कार्यकर्ते विनोदजी राऊळ, सामाजिक बांधिलकी प्रतिष्ठानचे अध्यक्ष प्रा.सतीश बागवे, उपाध्यक्ष प्रा. शैलेश नाईक उपस्थित होते. सामाजिक बांधिलकीच्या सर्व सदस्यांनी रवींद्र चव्हाण तसेच विनोद राऊळ यांचे आभार मानले.
संपादक
