साता-यात ३० लाखांचा बनावट खतांचा साठा जप्त
सातारा / वृत्तसंस्था
खरिपाचा हंगाम सुरु असताना सातारा जिल्ह्यातील वडूज इथं बनावट खतं आणि कीटक नाशकांचा मोठा साठा जप्त करण्यात आलाय.. कृषी विभाग आणि पोलिसांनी कारवाई करत तब्बल 30 लाख 60 हजारांचा हा साठा जप्त केलाय. या कारवाईत सुमारे 99 हजार 450 किलो संशयित बनावट दाणेदार खत, नामांकित कंपन्यांच्या बनावट गोण्या, लेबल्स, कीटकनाशके आणि पॅकिंगसाठी वापरण्यात येणारी यंत्रसामग्री हस्तगत करण्यात आली.या प्रकरणी दिलीप सीताराम काळे आणि प्रतिक दिलीप काळे यांच्याविरोधात गुन्हा दाखल करण्यात आलाय. विशेष म्हणजे, याच ठिकाणी यापूर्वीही अशाच प्रकारची कारवाई झाल्याची माहिती समोर आली असून, हा व्यवसाय पुन्हा कसा सुरू झाला, याचा तपास पोलीस आणि कृषी विभागाकडून सुरू आहे. तसेच बनावट खतांचा पुरवठा आणि विक्रीचे जाळे उघड करण्यासाठी तपास वेगाने सुरू आहे.
संपादक
