आगीत नुकसान झालेल्या संजीव निपाणीकर यांना भाजपाची आर्थिक मदत
सिंधुदुर्ग / राजू तावडे
सावंतवाडी शहरातील संजीव निपाणीकर यांच्या चप्पल मार्टला आग लागून त्यांचे मोठे आर्थिक नुकसान झाले होते. या दुर्घटनेमुळे निपाणीकर यांच्यासमोर आर्थिक अडचणी निर्माण झाल्या असताना त्यांना दिलासा देण्यासाठी भारतीय जनता पार्टीच्या वतीने मदतीचा हात पुढे करण्यात आला आहे. भाजपच्या वतीने निपाणीकर यांना रोख स्वरूपात आर्थिक मदत देण्यात आली. या मदतकार्यात सावंतवाडी नगरपरिषदेचे उपनगराध्यक्ष ॲड. अनिल निरवडेकर तसेच भाजपचे युवा नेते विशाल परब यांनी प्रमुख सहभाग घेतला.
आगीच्या दुर्घटनेत व्यावसायिकाचे मोठे नुकसान झाल्यानंतर त्याला पुन्हा उभे राहण्यासाठी समाजातील विविध घटकांकडून सहकार्य मिळणे आवश्यक असते. याच सामाजिक भावनेतून भारतीय जनता पार्टीच्या वतीने संजीव निपाणीकर यांना आर्थिक मदत देण्याचा निर्णय घेण्यात आला. या मदतीमुळे नुकसानग्रस्त व्यावसायिकाला काही प्रमाणात आर्थिक आधार मिळणार असून, अडचणीच्या काळात आपण एकटे नसल्याची जाणीवही होणार आहे.
भाजपच्या वतीने देण्यात आलेली ही रोख आर्थिक मदत सावंतवाडी नगरपरिषदेचे आरोग्य व क्रीडा सभापती सुधीर आडीवरेकर यांच्या हस्ते संजीव निपाणीकर यांच्याकडे सुपूर्द करण्यात आली. यावेळी नगरसेवक ॲड .सिद्धार्थ भांबुरे आणि उपनगराध्यक्ष ॲड. अनिल निरवडेकर उपस्थित होते. या उपक्रमातून संकटात सापडलेल्या व्यावसायिकाला मदतीचा हात देण्याची भूमिका भाजपच्या स्थानिक पदाधिकाऱ्यांनी घेतल्याचे दिसून आले.
आगीमुळे दुकानाचे नुकसान झाल्यानंतर व्यवसाय पुन्हा सुरू करण्यासाठी भांडवलाची गरज भासते. अशा वेळी मिळणारी आर्थिक मदत ही केवळ पैशांच्या स्वरूपातील मदत नसून, संकटातून सावरण्यासाठी मिळणारा मानसिक आधारही ठरतो. सावंतवाडी शहरातील या दुर्घटनेनंतर नुकसानग्रस्त व्यावसायिकाला मदतीचा हात देत भाजपने सामाजिक बांधिलकी जपण्याचा प्रयत्न केला आहे. या मदतीमुळे संजीव निपाणीकर यांना पुन्हा व्यवसाय उभा करण्यासाठी काही प्रमाणात बळ मिळाले आहे.
संपादक
