स्नेहशिंधू आश्रमात सिंधुरत्न ग्लोबल फाऊंडेशन तर्फे फराळ व आर्थिक मदतीचे वाटप
सिंधुदुर्ग/ राजू तावडे
निसर्ग प्रेमी बहुउद्देशीय संस्था सिंधुदुर्ग जिल्हा वतीने रविवार दिनांक ८ नोव्हेंबर रोजी आश्रमात अन्न दान व आर्थिक मदतीसाठी आवाहन केले होते. रविवारी दिवाळी सणाचे औचित्य साधून सिंधुरत्न ग्लोबल फाऊंडेशनच्या अध्यक्षा अभिनेत्री अक्षता कांबळी यांनी आश्रमामधील निराधारांना फराळ वाटप केला.तसेच श्री. अनिल कांबळी यांनी पाच हजार रुपयांची रोख रक्कम आश्रमासाठी मदत म्हणून दिली.यावेळी फाऊंडेशन चे खजिनदार रविकिरण शिरवलकर, सचिव अनुज कांबळी, संचालिका सौ. प्रतीक्षा कांबळी, सिद्धेश कांबळी, मनिषा मिठबावकर, पवन सावंत उपस्थित होते. यावेळी निसर्गप्रेमी बहुउद्देशीय संस्थेचे तालुकाध्यक्ष श्री. दत्तगुरु गावकर व सौ. दीपा गावकर यांनी उपस्थितांचे आभार मानले.


