नवी मुंबईत कोकणातून हापूसच्या १०० पेट्या दाखल
नवी मुंबई/ रत्नाकर प्रभू
नवी मुंबई एपीएमसी मार्केट मध्ये कोकणातील हापूस आंब्याच्या १०० पेट्या दाखल झाल्या आहेत. या वर्षी हापूस आंब्याला अवकाळी पावूस आणि थंडीचा फटका बसल्याने आवक घटली आहे. गेल्या वर्षी या वेळेला ५०० पेट्या हापूस आंब्याची आवक झाली होती. या वर्षी फक्त ८० ते १०० पेट्या येवू लागल्या आहेत. कोकणातील हापूस पेक्षा केरळच्या हापूस आंब्याची आवक जास्त आहे. साधारणपणे १४ हजार किलो केरळ हापूस येवू लागला आहे. कोकणातील हापूस आंबा २ ते २.५ हजार डझन ने विकला जातोय तर केरळ हापूस २०० ते ६०० रुपये किलोने विकला जातोय. अमेरिकेच्या निर्यात धोरणाचा फटका इतर कृर्षी मालाला बसला असला तरी हापूस आंब्याला मात्र फायदा होणार आहे. हापूस आंब्याला शून्य टक्के निर्यात शुल्क लावल्याने मोठ्या प्रमाणात अमेरिकेत हापूस जाणार आहे.
संपादक
