वाफोली ग्रामस्थांतर्फे संजय आईर यांचा सत्कार
सिंधुदुर्ग/ राजू तावडे
उबाठा शिवसेनेचे पदाधिकारी तथा सामाजिक कार्यकर्ते श्री. संजय आईर यांचा नुकताच वाफोली पिंपळेश्वर युवक मंडळ मधलीवाडी व वाफोली ग्रामस्थांनी सत्कार केला. संजय आईर यांनी सामाजिक क्षेत्रात केलेले उल्लेखनीय कार्य व वाफोली ग्रामीण मार्ग 93 चे कॉंक्रिटीकरण करून रस्त्याचे काम मार्गी लावल्याबद्दल पिंपळेश्वर युवक मंडळ यांनी आयोजित केलेल्या बाळूमामा या नाट्यप्रयोगाच्या मंचावर श्री. आईर यांना शाल, श्रीफळ व मानचिन्ह देऊन गौरविण्यात आले.
यावेळी बोलताना श्री आईर म्हणाले, वाफोली ग्रामस्थांचा मी आभारी व ऋणी आहे. माझ्या वाफोली गावात माझा झालेला सत्कार हा इतर सत्कारापेक्षा माझ्यासाठी अवस्मरणीय क्षण असून, मला स्फूर्ती व बळ देणारा आहे. वाफोली ग्रामीण मार्ग 92 या रस्त्याचे रुंदीकरण व काँक्रीटीकरण करताना वाफोली गावातील लोकांनी सहकार्य करून खारीचा वाटा उचलला त्यांना हा सत्कार अर्पण करीत आहे. असे श्री आईर म्हणाले.
संपादक
