रंगभूमी पोरकी झाली …प्रख्यात चित्रपट आणि नाट्य दिग्दर्शिका विजया मेहता यांचे वृद्धापकालाने निधन
मुंबई/ प्रतिनिधी
प्रख्यात चित्रपट आणि नाट्य दिग्दर्शिका विजया मेहता यांचे वृद्धापकालाने निधन झाले आहे. त्या ९२ वर्षांच्या होत्या. त्यांनी समांतर सिनेमा आणि नाट्य चळवळीत मोठे योगदान दिले आहे. अनेक चित्रपटात त्यांनी अभिनय देखील केला आहे. त्या ६० च्या दशकातील मराठी प्रायोगिक रंगभूमीवरील एक प्रमुख व्यक्तीमत्व होत्या. त्यांच्या जाण्याने रंगभूमी पोरकी झाल्याचे म्हटले जात आहे.
विजया मेहता यांचा जन्म ४ नोव्हेंबर १९३४ रोजी गुजरातच्या बडोदा येथे झाला होता. त्यांनी मुंबई विद्यापीठातून पदवी प्राप्त केली होती. त्यानंतर दिल्लीत इब्राहिम अल्काझी आणि आदी मर्झबान यांच्याकडे नाट्यकलेचे शिक्षण घेतले. ६० च्या दशकात मराठी प्रायोगिक रंगभूमीवर त्यांनी आपली छाप पाडली. नाटककार विजय तेंडुलकर , अरविंद देशपांडे आणि श्रीराम लागू यांच्यासोबत त्यांनी ‘रंगायन’ या नाट्यगटात काम केले. त्या या गटाच्या संस्थापक सदस्य होत्या. मराठी रंगभूमीत त्यांना ‘बाई’ असे आदराने म्हटले जाते. त्यांच्या आत्मवृत्तपर पुस्तक ‘बाई’ या नावानेच काही वर्षांपूर्वी प्रकाशीत झाले होते. त्यांचे ‘एक शून्य बाजीराव’ हे सी. टी. खानोलकर लिखित नाटक भारतीय रंगभूमीवरील एक मैलाचा दगड मानले जाते.
संपादक
