दिल्ली-एनसीआरच्या अनेक भागांसह उत्तर प्रदेशात मुसळधार पाऊस…पुरसदृश परिस्थिती
नवी दिल्ली / वृत्तसंस्था
दिल्ली-एनसीआरच्या अनेक भागांमध्ये मुसळधार पाऊस कोसळत आहे. खराब हवामानामुळे दिल्ली विमानतळावरून 15 विमानांचे मार्ग बदलण्यात आले. 26 विमाने रद्द करण्यात आली आणि सुमारे 250 विमानांना विलंब झाला. संगम विहार, दुर्गा विहार आणि कनॉट प्लेसमध्ये 3-4 फूट पाणी साचले. घरांमध्ये आणि दुकानांमध्ये पाणी शिरले, तसेच वाहने अडकून पडली.
छत्तीसगडमधील मुंगेली येथे पायी चालणाऱ्या एका महिलेवर वीज पडून तिचा जागीच मृत्यू झाला. दरम्यान, बिलासपूरमध्ये शाळेतून घरी परतणारी तीन मुले घोंगा नदीत वाहून गेली. बलरामपूरमध्ये कान्हार नदी ओलांडताना एक तरुण पाण्याच्या जोरदार प्रवाहात वाहून गेला
दरम्यान, राष्ट्रीय राजधानी दिल्ली आणि आसपासच्या परिसरात मुसळधार पाऊस कोसळला. दिल्ली, नोएडा आणि गाझियाबादसह अनेक भागांमध्ये पाऊस झाला. वाहतुकीवरही परिणाम झाला. गुरुग्राम आणि कनॉट प्लेससह अनेक भागांमध्ये पाणी साचल्याचे वृत्त आहे. पाऊस इतका मुसळधार होता की दिवसा अंधार पडला. पाऊस सुरू झाल्यानंतर लगेचच नवीन अशोक नगर मेट्रो स्टेशनच्या आसपास पाणी साचले. लोकांना रस्ता ओलांडून मेट्रो स्टेशनपर्यंत पोहोचण्यास अडचण येत होती. दिल्लीच्या विविध भागांमध्ये अशीच परिस्थिती दिसून आली. वाहतूक कोंडी आणि पाण्यात बुडालेल्या वाहनांमुळे लोकांच्या त्रासात भर पडली
संपादक
