मुंबई पुणे एक्सप्रेस वे…. गेल्या ३०तासांपासून वाहतूक पुर्णपणे बंद …२५ किमी. रांग… इतर मार्गांचा वापर करण्याचे आवाहन
पुणे/ गौरी देसाई
पुणे–बंगळुरू महामार्गावरून पुणे–मुंबई द्रुतगती मार्गाकडे जाणाऱ्या बस तसेच इतर वाहनांना थांबवण्यात आले आहे. अधिकची वाहतूक कोंडी टाळण्यासाठी महामार्ग पोलिसांनी हा पर्याय अवलंबला असला, तरी यामुळे प्रवाशांचे मोठ्या प्रमाणावर हाल होत आहेत.
अद्यापही गॅस टँकरमधून गॅस लिकेज सुरूच आहे. टँकरमधील गॅस दुसऱ्या टँकरमध्ये ट्रान्सफर करण्यात येणार असल्याची माहिती महामार्ग पोलिसांनी दिली आहे. ही प्रक्रिया पूर्ण झाल्यानंतरच अपघातग्रस्त टँकर बाजूला करता येणार असून, त्यानंतरच पुणे–मुंबई द्रुतगती मार्गावरील वाहतूक सुरळीत सुरू होईल. मात्र, यासाठी नेमका किती वेळ लागेल हे अद्याप स्पष्ट झालेले नाही. त्यामुळे वाहनचालकांनी पुणे–मुंबई द्रुतगती मार्गावरून प्रवास टाळून पर्यायी मार्गांचा वापर करावा, असे आवाहन महामार्ग पोलिसांनी पुन्हा एकदा केले आहे.
महामार्गावरील गॅस गळतीमुळे निर्माण झालेल्या वाहतूक कोंडीमुळे पुण्याहून मुंबईकडे येणाऱ्या ८ गाडया वाहतूक कोंडीत अडकल्या आहेत. मुंबई-पुणे मार्गावरील ३३ इ-शिवनेरीच्या फेऱ्या रद्द करण्यात आल्या आहेत. मुंबईहुन पुणे मार्गे जाणाऱ्या पंढरपूर, पडोलशी, लातूर असे १० साध्या फेऱ्या रद्द करण्यात आल्या आहेत. ही बुधवार दुपारी २ पर्यँतची स्थिती आहे. वाहतूक पूर्ववत अद्याप झालेली नाही. त्यामुळे आणखी फेऱ्या रद्द करण्याची शक्यता राज्य परिवहन (एसटी) महामंडळाने व्यक्त केली आहे.
संपादक
