बस कार अपघातात एकाच कुटुंबातील पाच जणांचा मृत्यू
वृत्तसंस्था/
उत्तर प्रदेशातील उन्नाव जिल्ह्यात बुधवारी सकाळी भीषण रस्ता अपघात झाला. आग्रा-लखनऊ एक्सप्रेसवेवर भरधाव वेगाने धावणाऱ्या स्लीपर बसचं नियंत्रण अचानक सुटलं. बसने आधी समोरून येणाऱ्या कारला जोरदार धडक दिली आणि त्यानंतर रस्त्याच्या कडेला असलेल्या खड्यात पलटी झाली. या भीषण अपघातात पाच जणांचा जागीच मृत्यू झाला तर अनेक प्रवासी गंभीर जखमी झाले आहेत. अपघाताची माहिती मिळताच पोलीस, प्रशासन आणि बचाव पथकांनी तातडीने घटनास्थळी धाव घेत मदतकार्य सुरू केले.
मिळालेल्या माहितीनुसार, ही स्लीपर बस हरियाणाहून बिहारकडे जात होती. बसमध्ये जवळपास 85 प्रवासी प्रवास करत होते. दुसरीकडे, करामध्ये आठ जण बसले होते. अपघातात कारमधील तीन जण आणि बसमधील 17 जण जखमी झाले आहेत. गंभीर जखमींना तातडीने लखनऊ इथल्या ट्रॉमा सेंटरमध्ये उपचारासाठी पाठवण्यात आलंय.
रुग्णालयातील डॉक्टरांनी कारमधील दिव्या (6), अमृता (13), अंजू (40), धुनमुन (60) आणि कार चालक विनोद (45) यांचा मृत्यू झाला आहे. विनोद हे बदलू प्रसाद यांचे पुत्र असून ते संत कबीरनगर जिल्ह्यातील खलीलाबाद कोतवाली हद्दीतील तेनुहारी सोयम गावचे रहिवासी होते.
संपादक
