गुजरातच्या भरूचमध्ये केमीकल कंपनीत स्फोट…पाच जणांचा मृत्यू
भरूच /वृत्तसंस्था
गुजरातमध्ये केमिकलच्या कंपनीत भीषण स्फोट झाला. या स्फोटामध्ये ५ कामगारांचा होरपळून मृत्यू झाला तर दोन जण गंभीर जखमी झाले आहेत. भरूच जिल्ह्यातील वागरा येथील सायखा जीआयडीसीमधील सिनझील फार्माकेम या कंपनीत ही स्फोटाची घटना घडली. हा स्फोट इतका भीषण होता की यामध्ये ५ कामगारांचा जागीच मृत्यू झाला तर दोघे जण गंभीर जखमी आहेत.
पोलिसांनी दिलेल्या माहितीनुसार, या केमिकलच्या कंपनीत हायड्रोजनीकरण प्रक्रिया सुरू होती. याचदरम्यान अचानक मोठा स्फोट झाला. स्फोटाची तीव्रता इतकी जास्त होती की, मशीनचे अनेक तुकडे झाले. या मशीनचे तुकडे दूरवर फेकले गेले. स्फोटाच्या आवाजामुळे जवळच्या इतर कंपन्या आणि रहिवासी भागामध्ये भीतीचे वातावरण होते. स्फोट होताच नागरिकांनी घाबरून घराबाहेर धाव घेतली.
संपादक
